Walong pelikula ang maglalaban-laban sa darating na Metro Manila Film Festival 2022 na magsisimula sa December 25 at magtatapos sa January 7,2023.Ito ay ang "My Father, Myself” nina Jake Cuenca, Dimples Romana at Sean de Guzman ng 3:16 Media Network at Mentorque Productions, “Deleter” ng Viva Films ni Nadine Lustre, “Family Matters” ng CineKo Productions, Inc. nina Noel Trinidad, Liza Lorena,JC Santos, “Mamasapano” ng Borracho Film Production nina Aljur Abrenica, Paolo Gumabao, Edu Manzano, “My Teacher” ng TEN17P Productions nina Toni Gonzaga, Joey De Leon; “Nanahimik ang Gabi” ng Rein Entertainment Productions nina Ian Veneracion at Heaven Peralejo, "Partners In Crime" nina Vice Ganda at Ivana Alawi at "Labyu, With an Accent nina Coco Martin at Jodi Sta.Maria.
Ang Parade of Stars ay gaganapin ngayonh araw December 21, 4PM sa Quezon City. Magsisimula ito sa Mabuhay Rotonda patungong Quezon Avenue hanggang Quezon City Memorial Circle. Inaasahang aabot ito ng minimum of two hours and 30 minutes.
“We are urging everyone to support our filmmakers and watch the MMFF lineup of entries that feature different genres. Spend time with your families, friends, and loved ones, and see as many movies as possible; let us all make this fest a success,” sabi ni MMDA Acting Chairman and concurrent MMFF Overall Chairman Atty. Romando Artes.
Sa December 27 naman gaganapin ang Gabi ng Parangal sa New Frontier Theater. Sino kaya ang tatanghaling Best Actor at Best Actress? At aling pelikula kaya ang hahakot ng awards? Abangan!
